Hakimiyyət, daha konkret desək, Penitensiar Xidmət gənc iqtisadçı alim Fazil Qasımova qarşı z0r@kılığı davam etdirməkdədir, Sabina xanım.
Heç bir təqsiri, cinayəti olmayan, işıqlı, bilikli, ölkə və cəmiyyət üçün böyük faydalar verə biləcək insanın, BMT-nin "Gənc Liderlər" Proqramı üzrə yeganə azərbaycanlı məzunun karyera, fəaliyyət və sağlamlığını alt-üst etdilər.
Daha əvvəl "Banditizm"də qan donduran z0r@kılıqlara məruz qoyub, bədəninə t0k verdilər, başını unitaza soxub, sidiyin və nəcisin içində sürüdülər, ləyaqətini alçaldıb, professor Qubad İbadoğlunun əleyhinə saxta ifadələr aldılar.
Gənc iqtisadçı alim sonradan özündə iradə tapdı, baş verənləri olduğu kimi yerli və beynəlxalq auditoriyanın diqqətinə çatdırdı.
Bundan sonra hakimiyyət daha da qəddarlaşdı, amansız davranışları artırdı.
Ömürlük azadlıqdan məhrum edilən məhkumların saxlandığı kamerada girovluqda olan Fazil Qasımov aclıq aksiyasının nəticəsində f@$ist konslagerindəki yəhudinin durumuna düşüb, dəri və sümükdən ibarət olub.
COP-29 günlərində ailəsi ilə telefon danışığı zamanı ingilis dilində fikirlər söyləyib, səsinin yayılmasını, dünyadan kömək istəyib, lakin əvəzində yarımçıq kəsiblər, yerə sərib, kamerayadək sürüyüblər, əynindəki paltarları cırıblar. Bu vəhşiliyi mayor Cəlal Əlizadə edib.
Bir qədər əvvəl yenidən Fazil Qasımovun ailə üzvləri danışdım.
Məlum oldu ki, mayor Cəlal Əlizadə köməksiz, müdafiəsiz, tənha qalmış Fazil Qasımovu kameradan çıxarıb, otaqlardan birinə aparıb, əl-ayağını bağlayaraq saçını keçəl qırxmağa çalışıb.
Bu zaman Fazil Qasımov var gücü ilə qışqırıb, kömək istəyib.
Davamlı bağırdığına görə burnundan qan açılıb.
Ətrafda olan əməkdaşlar və dustlaqlar yaxınlaşıb.
Qanı kəsmək çətinləşdiyinə görə həkim çağırıblar.
Lakin həkim gəlməyib.
Binəva gənci al-qan içində kameraya aparıblar.
Bu arada Müalicə Müəssisəsində müalicə alan iki məhkum-Sədi Nəcməddinov və İlkin (soyadını dəqiqləşdirə bilmədim) Fazil Qasımova insani münasibət göstərib, yardım etdiklərinə görə rütbəlilərin qəzəblərinə tuş gəliblər, hər ikisinin müalicəyə ehtiyacı olduğu halda İstintaq Təcridxanasına etap ediliblər.
Bütün bunlar azlıq edib, Fazil Qasımovun yazılı qeydlərini, vəsatətlərini z0rla əlindən alıblar, döyüblər və yarımcan halda Müalicə Müəssisəsindən Kürəxanıdakı İstintaq Təcridxanasına etap ediblər.
Sabina xanım, sizi narahat olmağa dəvət edirəm.
Bu, faciədir.
Bir təqsirsiz gəncin, istedadlı iqtisqadçı alimin həyat dramıdır.
Səlahiyyət və imkanlarınızdan istifadə edib, şəxsən Fazil Qasımova baş çəkməyinizi, z0ra@kılıqları durdurmağınızı xahiş edirəm.
Bunun adı qanunsuzluq, hüquqsuzluq, özbaşınalıq, məsuliyyətiszlik, vəhşilk, yırtıcılıq, qudurğanlıq və Allahsızlıqdır.
Fazil Qasımovun dəhşətli vəziyyətinə baxıram.
Hansısa müdaxilə imkanlarım yoxdur.
Bir insan haqları fəalı olaraq çərəsizəm.
Qanuni alətlər tükənib.
Saya sayan yoxdur.
Bunu, əlbəttə, dilə gətirməsəniz də aydın şəkildə bilirsiniz.
Hüquqi nihilizm öz apogeyindədir.
Repressiv mərkəzlərin təmsilçilərinə qüvvədə olan qanunların tələblərini xatırladanda gülüb keçirlər...
Qanun, qayda, hüquq və normanın dəfn edildiyi zəmində yeganə ümidim budur:
Şəksiz, məncə, Allah var.
Qoy Allah Fazilin başına müdhiş faciələri gətirənləri, bunu sifariş, təşkil və icra edənləri, balalarını, əziz bildiklərini ən ağır bəlalara düçar etsin, qan ağlasınlar.
Hazırdasa Fazilin xəstə anası, qardaşı və bacısı çarəsiz şəkildə qan ağlayırlar...
P. S. Hazırkı postu oxuyanlar, xanımlar və bəylər, təəssüflə qeyd edirəm ki, istifadəmdə olan profil hələ də məhdudiyyət altındadır. Paylaşımlara reaksiya verə, bəyənə, şərh yaza bilmirəm. İradəm xaricində olan hazırkı halı növbəti dəfə yüksək diqqətinizə çatdırmağı zəruri bildim.